Natur og Ungdom om mogleg Melkøya-nei: Viktig steg mot full stans
– Vi er glade for at fleirtalet i energi- og miljøkomiteen har blitt einige om dette forslaget. Det er eit viktig steg for å stanse elektrifiseringa av Melkøya og bremse den planlagde utbygginga i Finnmark, seier leiar i Natur og Ungdom, Sigrid Hoddevik Losnegård.
Ho seier det no er avgjerande at KrF stemmer for forslaget når saka kjem til Stortinget, og at partia står ved det dei har blitt einige om i komiteen.
– Vi håpar fleire parti tør å innfri valløfta sine og går for full stans i kraftpakke Finnmark i stortingsbehandlinga.