Nye plastkrav til fiskeri- og oppdrettsbransjen
Ifølge Miljødirektoratet kjem 46 prosent av plastavfall på norske strender frå fiskeri og oppdrett. Døme er taustumpar, delar av garn og trålposar.
Gjennom den nye produsentansvarsordninga må næringa frå no av samle inn meir av avfallet. Dei må også betale for handtering av avfallet.
– Utstyr frå fiskeri og oppdrett forsøplar hav og strender, og gjer at mikroplast spreier seg i miljøet. Vi meiner at produsentane må betale for å samle inn og behandle slikt utstyr, seier klima- og miljøminister Andreas Bjelland Eriksen.