Fleire land uroa over den humanitære situasjonen i Gaza
I ei felles fråsegn frå blant anna Storbritannia, Frankrike og Noreg uttrykker landa uro over den forverra humanitære situasjonen i Gaza, melder Reuters.
– Vi uttrykker alvorleg bekymring for den fornya forverringa av den humanitære situasjonen i Gaza, står det i fråsegna.
Landa oppfordrar Israel til å sette i verk tiltak snarast.
Israelske myndigheiter stansar arbeidet til 25 hjelpeorganisasjonar i Gaza frå 1. januar.
Fråsegna er signert Storbritannia, Canada, Danmark, Noreg, Finland, Frankrike, Island, Japan, Sverige og Sveits.