Person i klem mellom bil og ferje
Ein person skal ha komme i klem mellom bil og vegg om bord på ei ferje ved Hjellestad i Bergen.
Ambulansepersonell ser til personen på staden, opplyser Vest politidistrikt.
– Pasienten blir køyrd til Haukeland sjukehus med ambulanse, opplyser operasjonsleiar Bjarte Rebnord.
Personen skal vere vaken og medviten. Elles er det ukjent skadeomfang.
Ferjesambandet går mellom Hjellestad og Klokkarvik i Øygarden.