Dårleg fysisk form på rekruttar
Rekruttar til det norske forsvaret er i dårleg form. Beskjeden er å kome seg ut av treningsstudioet, og trene meir allsidig. Det skriv NTB.
Den fysiske forma på dagens rekruttar kan bli betre, fortel oberstløytnant Audun Jørstad til Klassekampen. Han meiner for mange bruker for mykje tid på treningsstudio, og at fysisk utsjånad seier lite om fysisk form.
I år skal éin av tre norske 19-åringar inn til fyrstegongsteneste.