Politiet har starta opp igjen søka etter ein rømd fange i Hustadvika kommune. Mannen rømde frå Hustad fengsel på julaftan og har vore på frifot sidan.
Også laurdag kveld og natt til søndag blei det søkt etter mannen, då det blei oppdaga at nokon hadde budd i eit hus på Bud. Søka blei avslutta i 02.20-tida, då mannen ikkje blei funnen.
– Søka blei starta opp igjen i 05.00-tida etter at vi fekk meldingar om det som kunne vere nye observasjonar av mannen, seier Leif Arne Mork, operasjonsleiar i politiet.
