Den kommunale vegen gjennom Standaldalen i Ørsta er stengd på grunn av eit snøskred ved Storebrua, ifølgje Vegvesenet. Frå før av er den nordre vegen opp til Festøya stengd på grunn av vêret, og dermed er begge dei to vegane inn til bygda Standal stengde.
Ørsta kommune skriv at det er fare for nye skred i området, og vegen vil vere stengd til dei får gjort ei ny vurdering. Det går ferje frå Standal til Sæbø. Kommunen oppmodar hyttefolk i området til å halde seg i ro.
