Politiet er i Sandnesveien på Ålgård etter melding om brann i ein garasje.
– Det er mykje røyk i området som følge av brannen. Bebuarar i nærleiken blir bedt om å lukke vindauge og ventilar, skriv operasjonsleiar Roger Litlatun i politiet rett over klokka 21.
Det er overtenning i garasjen, der det skal vere fleire bilar og motorsyklar. Mannskap frå Ålgård og Sandnes er på staden og driv med sløkningarbeid.
Roger Litlatun i politiet seier det truleg er snakk om ein næringseigedom, ikkje ein privat garasje.
– Det er sannsynlegvis ein næringsgarasje. Det er i sentrum, men eg er ikkje sikker, seier Litlatun til NRK.
Det skal ikkje vere personar i bygget. Litt før klokka 21.24 melder politiet at det framleis er opne flammar.
Det var publikum som først meldte frå om brannen.
Vegen vil bli stengt mellom rundkøyringa Bruhammaren/E39 Sandnesveien og rundkøyringa Solåsveien/E39 Sandnesveien på grunn av brannen.
