Sparebanken Vest og Sparebanken Sør slår seg saman, melder bankane i ei pressemelding.
Jan Erik Kjerpeseth, konsernsjef i Sparebanken Vest, blir konsernsjef i den samanslåtte banken. Noverande styreleiar i Sparebanken Sør, Knut Ruhaven Sæthre, blir styreleiar.
– Gjennom sammenslåinga blir vi ein endå meir offensiv og solid aktør, som skal vera like nær og lokal som før. Vi blir ein sterk og samfunnsengasjert bank, som skal levera landets beste banktenester, seier Kjerpeseth.
Den nye banken får til saman 1500 tilsette og skal ha to hovudkontor, i Kristiansand og Bergen.
Det nye finanskonsernet blir Noregs største sparebank.
– Vi er positive til fusjonen. Vår rolle framover vil vera å bistå medlemmer og tillitsvalde i prosessen, seier forbundsleiar i Finansforbundet, Vigdis Mathisen.
