Serbiske Lazar Ðukić (28) døydde under ein symjeetappe i prestisjekonkurransen CrossFit Games i Texas i USA.
Arrangøren opplyste om dødsfallet på Instagram torsdag: «I dag er den tristaste dagen i CrossFit Games si historie».
28-åringen skal ha fått problem på symjedelen av konkurransen, og skal plutseleg ha blitt borte i vatnet.
Norske Jacqueline Dahlstrøm er sjølv med i Games, og deltok i same del av konkurransen.
Fredag ettermiddag publiserte ho eit innlegg på Instagram der ho skreiv:
«Sinne. Skuldkjensle. Vantro. Men mest berre tristheit.
I går miste vi ein stor konkurrent og ein enda betre mann. Gårsdagen var øydeleggjande.
Korleis. KORLEIS kunne vi tillate at noko slikt skjer? Er spørsmålet eg stadig stiller meg sjølv. Vi gjekk alle inn i vannet og tenkte og stolte på at vi var trygge. At viss det skulle skje noko med nokon av oss ville det vere hjelp. Vi ventar framleis på ytterlegare stadfesting på kva som faktisk skjedde, men foreløpig kan eg berre ikkje unngå å føle at dette ikkje var tilfelle.
Kjære Lazar, eg er så lei meg for at vi ikkje var der for deg når du trengte oss som mest. Du fortjente så mye betre. Mine tankar går til familien hans, kjærasten hans Anja og alle som stod han nær.
Personlig er eg framleis usikker på korleis eg skal gå vidare med helgen. Mentalt og kjenslemessig er eg ikkke skikka til å konkurrere. Men viser eg best mi respekt og ære til Lazar og hans familie ved å trakke på det konkurransegolvet, eller viser eg det at eg IKKJE trakkar i golvet? Eg veit ikkje.
Lazar, eg savner deg. Vi saknar deg alle saman.»
Det haldast ei minnestund for serbaren fredag.
