«Ting som ikkje var i spåkula for 2024: At Trygve Slagsvold Vedum skulle få seg ein spinndoktor som er EU-tilhengar.» Det skriv Sveinung Rotevatn i Venstre på X, tidlegare Twitter. Han utdjupar ovanfor NRK:
– Når eg såg utnemninga så kom eg på at eg såg at Skjalg Fjellheim sa at han hadde snudd i EU-spørsmålet, seier Rotevatn og legg til:
– Det er interessant at Vedum får ein rådgjevar som har gjort ein slik snuoperasjon.
Skjalg Fjellheim har tidlegare vore uttalt motstandar av EU. Rotevatn håper Vedum følger etter sin nye rådgjevar.
Det var under ein debatt i Arendalsveka i 2022 at den tidlegare EU-kritikaren Skjalg Fjellheim avslørte at han har blitt ja-mann.
