Den amerikanske sentralbanken (Federal Reserve) held styringsrenta uendra.
Sidan i fjor sommar har den amerikanske styringsrenta vore på mellom 5,25 og 5,50 prosent.
Sentralbanken indikerer i ei utsegn i kveld at inflasjonen nærmer seg målet, noko som kan opne for framtidige rentekutt.
Som dei fleste andre sentralbankar, prøvar Federal Reserve å stagge prisveksten (inflasjonen) – og halde den kring 2 prosent.
Marknadane venta ikkje ei endring i styringsrenta i dag, men har vore spente på om sentralbanken skulle hinte om eit venta rentekutt i midten av september, skriv CNBC før møtet.
– Jeg synes ikke det kommer frem noe tydelig hint i retning av september, men det hintes heller ikke om det motsatte. De sier minst mulig, vil jeg si. De ønsker å holde døren åpen for at renten kan kuttes, men også at det kan drøyes. De holder fortsatt kortene tett til brystet, sier Kjersti Haugland, sjeføkonom i DNB Markets, til E24.
Den europeiske sentralbanken (ESB) senka for første gang sidan 2019 si styringsrente i juni.
