Noreg sluttar seg til EUs sanskjonar mot ekstremistiske busettarar på Vestbreidda. Det opplyser regjeringa i ei pressemelding.
– Dei israelske busettingane på okkupert land er ulovlege. Organisasjonane og personane som no blir listeført står bak alvorlege menneskerettsovergrep mot palestinarar, men dessverre blir busettarar sjeldan straffeforfølgt av israelske styresmakter, seier utanriksminister Espen Barth Eide (Ap).
Tidlegare i juli vedtok EU å innføra sanksjonar mot fem personar og tre organisasjonar på grunn av alvorlege menneskerettsovergrep.
Dei er mellom anna ansvarlege for grove overgrep mot palestinarar på Vestbreidda og for å hindra humanitær hjelp til Gaza, heiter det i meldinga.
– Valdskriminalitet må alltid få konsekvensar, og me innfører no sanksjonar mot ekstremistiske busettarar, la Barth Eide til.
