Mellom 20 og 30 nordkoreanske soldatar tok seg i natt inn i den demilitariserte sona på grensa til Sør-Korea, ifølge sørkoreanske styresmakter.
Det sørkoreanske nyheitsbyrået Yonhap melder at det blei skote varselskot, og at nordkoreanarane trekte seg tilbake.
Fleire av dei nordkoreanske soldatane gjekk på landminer, ifølge Reuters.
Nord-Korea har nyleg sendt soldatar til fleire stader langs den nordlege delen av den demilitariserte sona for å utføre arbeid, og Sør-Korea trur grensekryssingane var eit uhell.
