Mannen som blei knivstukken i Gaupne i Sogn fredag ettermiddag framstår ikkje som eit tilfeldig offer.
Det opplyser politiadvokat Bernt Dahlsveen.
Fem ungdommar i tidleg tenåra er sikta for kroppsskade og medverknad til kroppsskade.
Ingen av ungdommane har straffehistorikk frå før.
Dahlsveen vil ikkje seie noko om motivet bak hendinga.
– Vi har berre gjort innleiande avhøyr. Planane i dag er å ta avhøyr av fornærma. Då kan vi ha større meining om kva som er bakteppet og motiv, seier Dahlsveen.
Den fornærma mannen er framleis på sjukehus.
– Det er snakk om alvorlege skader. Utover det vil eg ikkje gå inn på meir detaljar.
