Matteo Berrettini, som kom til finalen i Wimbledon i fjor og var ein av favorittane til å vinne årets turnering, må trekke seg etter å ha blitt koronasmitta.
Det melder nyheitsbyrået AFP.
Italienaren vann to ATP-turneringar på gras i forkant av Wimbledon og var ved sida av fjorårsvinnar Novak Djokovic den største favoritten til å vinne Grand Slam-turneringa.
I fjor tapte Berrettini finalen mot Djokovic i ein femsettar. No får han ikkje sjansen til å revansjere finaletapet.
Tidlegare tysdag blei det kjent at Wimbledon-finalisten frå 2017, Marin Cilic, også må trekkje seg frå Wimbledon som følgje av virussmitte.
