Watfords planlagde treningskamp mot landslaget til Qatar i Austerrike 10. juli, er avlyst etter at klubbtilhengarane protesterte. Årsaka er Qatars haldning til menneskerettane.
Gruppene "Proud Hornets" og "Women of Watford FC" gav klart uttrykk for misnøye med at kampen skulle spelast, og varsla protest-markeringar på tribunene. Derfor valde klubben å trekkje seg frå kampen.
- Det blei klart for oss at dette var ein kamp vi ikkje skulle spele, seier ein talsmann for klubben.
Qatar har strenge LGBTQ-lover, der mellom anna homoseksualitet er forbode.
– Vi er glade for at dei har lytta til oss. Det er ofte vanskeleg å vedgå at du har teke feil, seier Watford-supporter Laura Goodes til BBC.
"We're delighted they have listened to us and the Proud Hornets. It's sometimes hard to admit you are wrong and do a U-turn but they did that quite quickly," she said.
