Ein person vart truga med kniv på ei privat adresse i Stjørdal. Det førte til at vedkommande henta øks. Då stakk den andre personen av før det vart noko konfrontasjon.
– Vi valde å væpne politipatruljane på staden utifrå dei opplysningane vi hadde, fortel operasjonsleiar Bjørnar Gaasvik i Trøndelag politidistrikt.
Ingen er skadde. Politiet har kontroll på begge personane, som er i 20-åra og 30-åra, og vil no gjere avhøyr av vitne og involverte.
