36 personar har fått påvist korona i Bergen det siste døgnet. 31 av dei er nærkontaktar av tidlegare smitta, medan ein er importsmitte. To har ukjend smitteveg og to har usikker smitteveg. 1033 personar testa seg for viruset i Bergen i går.
– Vi ser at talet på smitta aukar, trass i lågare testaktivitet. Dette gir grunn til uro, seier medisinsk fagsjef Trond Egil Hansen.
Han seier det no er svært viktig at alle avgrensar talet på nærkontaktar, og elles følgjer gjeldande reglar og tilrådingar.