Желіде Ақтауда жер сілкінеді деген ақпарат тарады
Әлеуметтік желілерде Ақтауда жер сілкінісі болады деген ақпарат тарап жатыр. Маңғыстау облысының қоғамдық коммуникациялар орталығы бұл мәліметке қатысты пікір білдірді, - деп хабарлайды Tengrinews.kz тілшісі Lada.kz-ке сілтеме жасап.
Ведомство мәліметінше, интернетте мониторинг жүргізу барысында TikTok желісінде ықтимал жер сілкінісі туралы жалған мәліметі бар видео анықталған. Бұл ақпарат ресми түрде расталмады.
Маңғыстау облыстық ТЖД тұрғындардың алаңдауына еш негіз жоқ екенін атап өтті.
"Мұндай ақпарат халықтың үрейін ұшырып, қоғамда негізсіз дүрбелең тудырады және көрінеу жалған мәлімет тарату болып табылады", - делінген хабарламада.
Өңір билігі азаматтарды тексерілмеген хабарламаларды таратпауға және тек ресми ақпарат көздеріне сүйенуге шақырды.