Орталық референдум комиссиясы дауыс беру басталғанын мәлімдеді
Орталық референдум комиссиясы (Орталық сайлау комиссиясы) Жаңа Конституцияға байланысты референдумда дауыс беру учаскелерінің ашылғаны және дауыс берудің басталғаны туралы мәлімет берді, - деп хабарлайды Tengrinews.kz тілшісі.
Орталық референдум комиссиясы төрағасының орынбасары Мұхтар Ерманның айтуынша, сағат 07:00-дегі жағдай бойынша өңірлердегі 10 388 дауыс беру учаскесінің барлығы жұмысын бастады.
"92 учаскеде аумақтық комиссиялардың қабылдаған шешімдеріне сәйкес дауыс беру таңғы сағат 6.00-де басталды. Сайлаушылар тізіміне 12 461 796 азамат енгізілген.
Тізімдерге 12 461 796 азамат енгізілді. Учаскелік комиссиялар азаматтардың жазбаша өтініштері бойынша дауыс беру құқығын беретін барлығы 17 514 есептен шығару куәлігін берді. Республикада 10388 дауыс беру учаскесі бар. Оның ішінде Қазақстан Республикасының шет мемлекеттердегі өкілдіктерінде 54 елде 71 учаске орналасқан", – деді ол брифинг барысында.
Еске салайық, Қазақстанда жаңа Конституцияға байланысты референдумда дауыс беру басталды.
Дауыс беру учаскелері сағат 07:00-ден 20:00-ге дейін жұмыс істейді. Олар жабылғаннан кейін бюллетеньдер саналады. Кейбір учаскелер (негізінен әскери бөлімдерде) сағат 06:00-де ертерек ашылды. Шетелде дауыс беру Жапония мен Оңтүстік Кореяда жергілікті уақыт бойынша жүргізіліп жатыр.
Бюллетеньде бір ғана сұрақ бар. Дауыс берушілер құжатты толықтай қолдау немесе толықтай қабылдамау нұсқаларының бірін ғана таңдай алады.
Дауыс беру құқығына 18 жасқа толған және сайлаушылар тізіміне енгізілген Қазақстан азаматтары ие.
Сілтемесіз жаңалық оқисыз ба? Онда Telegram желісінде парақшамызға тіркеліңіз!