Елдің 14 облысында ауа райына байланысты ескерту жарияланды

«Қазгидромет» РМК хабарлауынша, жұма күні Қазақстанның 14 облысында ауа райының қолайсыздығына байланысты ескерту жарияланды.

13 ақпанда Қарағанды облысының солтүстігінде, шығысында және оңтүстігінде тұман болады. Оңтүстік-шығыс желі соғады, түнде батысында және оңтүстігінде жел екпіні секундына 15 метрге дейін жетеді.

Ұлытау облысының батысында, солтүстігінде және шығысында тұман болжанады. Солтүстік-шығыс және шығыс желі соғып, түнде солтүстігі мен оңтүстігінде екпіні 15 м/с болады.

Маңғыстау облысында түнде батысы мен оңтүстігінде көктайғақ болады, ал оңтүстігі мен орталығында тұман болады. Оңтүстік-шығыс желі соғып, күндіз оңтүстігінде, батысында және орталығында жел екпіні 15–20 м/с-қа жетеді.

Қостанай облысының батысында, оңтүстігінде және шығысында тұман болады. Оңтүстік-батыс желі соғып, солтүстігінде екпіні 15–20 м/с болады.

Ақтөбе облысының солтүстігінде, батысында және шығысында тұман болжанады.

Түркістан облысының батысында, оңтүстігінде және орталығында жауын-шашын (жаңбыр, қар), таулы аймақтарда қар, кей уақытта қалың қар жауады. Сондай-ақ тұман мен көктайғақ болады.

Шығыс желі соғып, солтүстігінде және таулы аймақтарда екпіні 15–20 м/с-қа жетеді.

Шымкентте уақытша жауын-шашын (негізінен жаңбыр), көктайғақ және тұман күтіледі.

Батыс Қазақстан облысының батысында, солтүстігінде және шығысында тұман күтіледі. Оңтүстік-шығыс желі соғып, күндіз батысында және оңтүстігінде екпіні 15–20 м/с болады.

Шығыс Қазақстан облысының солтүстігінде, оңтүстігінде және орталығында тұман болжанады.

Абай облысының солтүстігінде, оңтүстігінде және орталығында тұман болады. Оңтүстік-шығыс және шығыс желі соғып, Аягөз ауданында жел екпіні 15–20 м/с болады.

Қызылорда облысының солтүстігінде және орталығында тұман күтіледі. Қ

Жамбыл облысында түнде таулы аудандарда қатты қар жаууы мүмкін, кей уақытта тұман мен көктайғақ күтіледі. Солтүстік-шығыс желі соғып, оңтүстік-батысында, солтүстік-шығысында және таулы аудандарында жел екпіні 15–20 м/с, түнде 23 м/с-қа дейін жетеді.

Ақмола облысының солтүстігінде жаяу бұрқасын күтіледі. Оңтүстік-батыс және оңтүстік-шығыс желі соғып, солтүстігінде екпіні 15–18 м/с болады.

Солтүстік Қазақстан облысының батысында тұман күтіледі. Оңтүстік-батыс желі соғып, батысында, солтүстігінде және оңтүстігінде жел екпіні 15–20 м/с болады.

Алматы облысының таулы аудандарында кей уақытта қалың қар жауады. Батысында, оңтүстігінде және таулы аймақтарда көктайғақ, ал солтүстігінде, оңтүстігінде және таулы өңірлерде тұман болады. Солтүстік-шығыс желі соғып, оңтүстігінде және таулы аудандарында екпіні 15–20 м/с болады.

Алматы қаласында кей уақытта көктайғақ пен тұман болады.

Сообщение Елдің 14 облысында ауа райына байланысты ескерту жарияланды появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.