Түркістан облысы полициясына жаңа басшы тағайындалды
Түркістан облысы Полиция департаментінің жаңа басшысы тағайындалды. Бұл қызметке Арыстанғани Заппаров келді, - деп хабарлайды Tengrinews.kz тілшісі ІІМ баспасөз қызметіне сілтеме жасап.
Жоспарлы ротация тәртібімен ішкі істер министрінің бұйрығымен, Президент Әкімшілігімен келісу арқылы бірқатар кадрлық тағайындаулар жүзеге асырылды.
"Бұған дейін Алматы Полиция департаментінің бастығы қызметін атқарған полиция генерал-майоры Арыстанғани Расилханұлы Заппаров Түркістан облысы Полиция департаментінің бастығы болып тағайындалды", – деп хабарлады ІІМ.
Бұған дейін Түркістан облысы Полиция департаментін 2022 жылғы 4 ақпанда бұл қызметке тағайындалған Мұрат Қабденов басқарған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!