Үлкен көлемдегі алаяқтық үшін іздеуде болған ер адам Сербияда ұсталды, - деп хабарлайды Tengrinews.kz тілшісі ІІМ мәліметіне сілтеме жасап.
Қазақстан ІІМ Интерпол Ұлттық орталық бюросының сұрауымен 2023 жылдың қыркүйегінде үлкен көлемдегі алаяқтық жасағаны үшін халықаралық іздеуге жарияланған ер адам Сербияда ұсталды.
"Бүгін 45 жастағы қаскөй Бас прокуратурамен Қазақстанға экстрадицияланды.
2017 жылы ол Kolesa.kz сайтында қолжетімді бағада арнайы техника сататыны туралы хабарландыру жариялап, адамдарды алдап соққан. Азамат онымен келісімшарт жасасып, 43 миллион теңгеден астам ақшасын аударған", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
