Синоптиктер бүгін, 29 қарашада елдің 13 өңірінде қолайсыз ауа райына байланысты ескерту жасады, - деп хабарлайды Tengrinews.kz тілшісі.
Астананы түнде және таңертең тұман басады.
Батыс Қазақстан облысының солтүстігінде, батысында тұман.
Түркістан облысының таулы аудандарында нөсер жаңбыр жауады. Облыстың таулы аудандарында найзағай ойнайды. Түнде облыстың солтүстігінде тұман. Оңтүстік-батыстан жел соғады, облыстың батысында, оңтүстігінде, таулы және тау бөктерлі аудандарында екпіні секундына 15-20 метрге жетеді.
Шымкентте оңтүстік-батыстан жел соғады, таңертең және күндіз екпіні секундына 15-20 метрге жетеді.
Абай облысында жел оңтүстік-шығыстан соғады, күндіз облыстың солтүстігінде, орталығында екпіні секундына 15-20 метрге жетеді.Қызылорда облысының солтүстігінде, орталығында көктайғақ, тұман түседі.Қарағанды облысының батысында тұман.
Ақмола облысының батысында, солтүстігінде, шығысында тұман.Ұлытау облысының батысында, солтүстігінде, орталығында тұман.
Атырау облысының батысында, оңтүстігінде тұман, көктайғақ болады.
Солтүстік Қазақстан облысының батысында, солтүстігінде, оңтүстігінде тұман түседі.
Шығыс Қазақстан облысының солтүстігінде тұман.
Маңғыстау облысының солтүстігінде, орталығында тұман, көктайғақ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
