Чандра телескопының ұшырылғанына 25 жыл толуына орай NASA осы құрылғы арқылы түсірілген Ғаламның суреттерін жариялады, - деп хабарлайды Tengrinews.kz тілшісі.
Еске салайық, ғарыштық рентген обсерваториясы 1999 жылы 23 шілдеде "Колумбия" шаттлының көмегімен іске қосылды. Чандра атауы үнді астрофизигі және Нобель сыйлығының лауреаты Субраманьян Чандрасекардың құрметіне қойылған. Ғалым ақ ергежейлілерді зерттеп, жұлдыздар туралы көптеген ғылыми еңбектер жазған.
Chandra X-ray обсерваториясы әсіресе ыстық нысандардан рентген сәулелерін анықтауға арналған. Телескопқа 25 жыл болғанына және оның сипаттамалары соңғы рет 1999 жылы жаңарғанына қарамастан, осы күнге дейін құрылғы ғалымдарға ғарыш туралы маңызды ақпаратты алуға мүмкіндік беріп келеді.
Мамандар осы күнге дейін әмбебап және тиімді обсерватория құра алмады. Сонымен қатар, обсерваторияны құру идеясын америкалық физиктер Риккардо Джаккони мен Харви Тананбаум 1976 жылы ұсынған. Бірақ оны жүзеге асыру үшін 16 жыл қажет болды және "Чандраны" Жер орбитасына шығару үшін тағы 7 жыл қажет болған.
Осылайша, 5 жылдық қызметке жіберілетін ғарыш кемесі 25 жыл бойы ғалымдарға жаңа жаңалықтар ашуға және ғаламның зерттелмеген аймақтарын білуге көмектесіп келді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
