Жамбыл облысының әкімі Ербол Қарашөкеев азаматтарды жеке сұрақтары бойынша қабылдау өткізді.
Қабылдауға келген азаматтар бірқатар мәселелерді көтеріп, өтініштерін жеткізді.
Атап айтқанда, Жамбыл ауданы, Сұлутөр ауылының тұрғыны ауыл халқының басты мәселесіне айналған көше жарығы мен қоғамдық көлік мәселесін көтерді.
Тағы бір Жамбыл ауданының тұрғыны Оңласын Әубәкіров ауыл шаруашылығын дамыту бойынша өз жобасымен бөлісіп, кәсібіне ықпал етуін сұрады.
Қабылдауға жазылған басқа да азаматтар әлеуметтік көмек, баспана алу, қайтарымсыз гранқа қатысу сынды мәселелерді көтерді.
Облыс әкімі азаматтардың өтінішіне жіті көңіл бөліп, барлық мәселе заң аясында қарастырылатынын атап өтті.
Бірқатар өтініштерді жан-жақты зерделеу үшін жауаптыларға нақты тапсырмалар жүктеді.
Сообщение Облыс әкімі азаматтарды жеке мәселелерімен қабылдады появились сначала на ZhambylNews АҚПАРАТ АГЕНТТІГІ - Жамбыл облысы жаңалықтары.
