Қазақстан Республикасы Өнеркәсіп және құрылыс министрлігі мен "АрселорМиттал Теміртау" бірлескен мәлімдеме жасады, - деп хабарлайды Tengrinews.kz тілшісі министрлік сайтына сілтеме жасап.
Ведомство Қазақстан Республикасы Үкіметі мен "АрселорМиттал" компаниясының "АрселорМиттал Теміртау" меншігін Қазақстан Республикасы Үкіметіне беру жөніндегі келіссөздері бірнеше ай бойы жүргізілгенін және АМТ-ның, сондай-ақ оның еншілес кәсіпорындарының болат және тау-кен операциялары қызметінің болашағына қатысты жақында Қазақстан Республикасының Үкіметі мен "АрселорМиттал" алдын ала келісімге келгенін хабарлады.
"АрселорМиттал Теміртау" ішкі және аймақтық нарықтағы ең маңызды болат жеткізушілердің бірі болып табылады. Осы жылдар ішінде компания барлық таңдалған нарықтарда өзін болат тұтынушылары үшін стратегиялық серіктес ретінде көрсете білді. Сондықтан, АМТ қызметінің тиімді әрі жоспарлы түрде ұйымдастырылуын қамтамасыз ету және барлық мүдделі тараптарға қолайсыздықтар туғызбау үшін барлық күш-жігер жұмсалады", - делінген мәлімдемеде.
Ведомство мәліметінше, барлық мүдделі тараптарды, әсіресе AMT клиенттерін, мердігерлерін, жеткізушілеріне: "АрселорМиттал Теміртаумен" (AMT) байланысты (оның ішінде Теміртау металлургиялық зауыты, көмір бөлімшесі, Өркен, еншілес кәсіпорындары, оның ішінде Ақтау құбыр зауыты және ТМД елдеріндегі өкілдіктері) барлық құқықтар мен міндеттемелері сақталады.
"Қазақстан Республикасының Үкіметі және АМТ, компанияның барлық құқықтары мен міндеттерін, оның ішінде тапсырыс берушілермен жеткізу келісім-шарттары, тауарлар мен қызметтерді қабылдау, оның ішінде жеткізушілерден мердігерлік қызметтерді қабылдау, қызметкерлер алдындағы міндеттемелердің сақталуы және т.б. бөлігінде бизнестің толық жалғасуын қамтамасыз етеді.
Тапсырысты брондау, келісім-шарт жасау, жөнелту, шот-фактура жасау және жеткізушілермен келісім-шарт жасауды қоса алғанда, AMT бизнес-процестері әдеттегідей тәртіпте жұмыс істейді, деп сеніммен айта аламыз. AMT өз клиенттері үшін сенімді серіктес болып табылады және де болашақта соған тырысады", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
