ҰҚКД қызметкерлері "Азаматтарға арналған үкімет" мемлекеттік корпорациясының Шымкенттегі филиалында тінту жүргізді, - деп хабарлайды Tengrinews.kz тілшісі.
"Азаматтарға арналған үкімет" мемлекеттік корпорациясы" КЕАҚ баспасөз қызметі мәліметінше, 2023 жылдың 1 қыркүйегінде Ұлттық қауіпсіздік комитетінің департамент қызметкерлері мемлекеттік корпорацияның Шымкент қаласындағы филиалында тінту жүргізген.
"Тінту кезінде жер телімдерінің шекарасын заңсыз жылжыту дерегі бойынша жүргізіліп жатқан соталды тергеп-тексеру аясында бірқатар жер-кадастрлық құжаттар тәркіленді. Айта кетейік, бүгінге дейін ҰҚКД-ден мемлекеттік корпорацияға осы шараларға қатысты ешқандай түсініктеме берілген жоқ", - делінген "Азаматтарға арналған үкімет" КЕАҚ баспасөз қызметі таратқан хабарламада.
Айта кетейік, журналист Михаил Козачковтың Telegram-арнасында арнайы жасақ видеосы пайда болды. Ондағы оқиға Шымкенттегі ХҚКО ғимаратында түсіріп алғаны хабарланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
