Ресейдегі "Вагнер" ЖӘК қатарына қосылған қазақстандыққа Отанына оралғанда қылмыстық жаза қолданылуы мүмкін. Бұл туралы ҚР СІМ ресми өкілі Айбек Смадияров мәлімдеді, - деп хабарлайды Tengrinews.kz тілшісі.
Смадияровтың айтуынша, Қазақстан азаматы "Вагнер" ЖӘК-ке өз қалауы бойынша қосылған.
"Әрине, қатарға қосылуға ниет білдірген немесе ойлап жүрген азаматтың барлығы 5 жылдан 9 жылға дейін бас бостандығынан айырылуы мүмкін екенін ескерткім келеді. Онда олар ойлағандай романтика жоқ. Оларға айтарым, балалар, бұл сендер қатысатын соғыс емес. Абайлаңыз, отбасыңызды ойлаңыз. Бәріңіз ересек адамсыздар және ол жігіт те кәмелетке толған. Өкінішті, әрине. Біз көмектесеміз, ата-анасымен байланыстамыз, Ресейдің құзырлы органдарына барлық тиісті сұранысты жібердік. Біз ақпаратты тексереміз, әрине, мүмкіндігінше толық көмек көрсетеміз. Бірақ Қазақстанға оралған соң ол қылмыстық жауапкершілікке тартылатынын ескеру қажет", - деді Айбек Смадияров.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
