АСТАНА. ҚазАқпарат – Өтіп бара жатқан жылда Мемлекет басшысы Қасым-Жомарт Тоқаевтың қызметі өте қауырт болды десек, артық айтқандық емес. Қаңтар басындағы қаралы күндері мемлекеттілігімізді сақтап қалу үшін барын салды. Конституциялық реформаларға бастамашылық жасап, халық шынайы қалауын білдірген Ата заңға түзетулер енгізді. Кезектен тыс өткен Президент сайлауында да ел тұрғындарының қолдауына ие болды. Осыған орай ҚазАқпараттың жыл қорытындысына арналған шолуын оқырман назарына ұсынамыз.