Шығыс Қазақстан облысында жылқы іздеуге шыққан жігіт жоғалып кетті, - деп хабарлайды Tengrinews.kz тілшісі облыстық төтенше жағдайлар департаментіне сілтеме жасап.
Ведомство мәліметінше, оқиға 13 желтоқсанда таңертең Зайсан ауданы Шілікті ауылдық округі аумағында болған.
"Таңғы сағат 8-дер шамасында Қарасай ауылынан 15 шақырым жерде 2001 жылы туған жігіт үйінен жылқы іздеп шығып, қайтып оралмаған. Оны іздеуге ТЖД-нің жеті құтқарушысы, бір полицей және әкімдіктің төрт қызметкері жіберілді. Боран мен бұрқасын кезінде олар жоғалған адамды күні бойы іздеді. Жігіт 14 желтоқсанға қараған түні сағат 01:00 шамасында табылды", - деді ведомствоның баспасөз қызметі өкілдері.
Жігіт медициналық көмекке мұқтаж болмағаны атап өтілді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
