12 тіл білетін қазақ жігіті Хабиб Нурмагомедовке арабша үйрететін болды, - деп хабарлайды Tengrinews.kz тілшісі.
Мейіржан Таштай 12 тілді жақсы меңгерген. Үйреніп жүргені де бар. Қазақ, орыс, араб, түрік, өзбек, ағылшын, француз, итальян, испан, суахили, урду, корей, хинди, сомали, индонезиялық, қытай тілдері осы тізімде бар.
Тіл үйретумен айналысатын оның бүгінде оқушылары көп. Олардың қатарына жақын арада UFC экс-чемпионы Хабиб Нурмагомедов те қосылады. Бұл туралы Мейіржан Instagram-да бөлісті.
"Ин ша Аллах Хабиб менімен онлайн түрде араб тілін үйренетінін айтты. Аллаға шүкір осы деңгейге жеткізгеніне", - деп жазды ол.
Посмотреть эту публикацию в Instagram
Публикация от Мейіржан Таштай (@kimotashy)
Мейіржан Таштайдың сөзінше, ол Хабиб Нурмагомедовпен Меккеде танысқан. "Бірге ауыз аштық" дейді.
"Хабиб соңғы кездесуде маған үйретші деп ұсыныс жасады. Ин ша Аллах бәлкім Рамазаннан кейін жазып қалуы мүмкін", - деді ол.
Осыдан 3 жыл бұрын Мейіржан Таштай Tengrinews.kz тілшісіне тілдерді қалай үйрене бастағанын айтып берген еді. Ол кезде қазақ жігітінің тіл қорында жеті тіл болған. "15 тілде еркін сөйлегім келеді" деген болатын.
Посмотреть эту публикацию в Instagram
Публикация от Мейіржан Таштай (@kimotashy)
Сілтемесіз жаңалық оқисыз ба? Онда Telegram желісінде парақшамызға тіркеліңіз!
