"Қазақтелеком" АҚ компаниялар тобына кіретін Tele2/Altel операторы шалғай жерлерде интернетті дамыту, әлеуметтік жобаларды қолдау және сапалы қазақстандық контент құруға жәрдемдесу арқылы ілгерішіл мобильді операторлардың жалпы әлемдік трендін қолдап отыруды жалғастыруда. Бірінші қазақстандық Altel мобильді операторы Digital Nomad жобасының серіктесі болды.
Егер ауыл интернетінің дамуы туралы айтар болсақ, оның бастамасы - Tele2/Altel-дің "250+" бағдарламасын іске асыруға қатысуы болды. Оператор бүкіл республика бойынша жүздеген шалғай ауылдарды байланыспен және сапалы инетрнетпен қамтамасыз етті. Күшті инфрақұрылым құра отырып, компания 250+ ауылдары үшін Қазақстандағы алғашқы "Туған жер" арнайы тарифін әзірлеп енгізді. Ол аз уақытта нарықта нағыз хитке айналды. Тарифтің арқасында бір жылдан аз уақытта 250+ ауылдарында оператордың желісіндегі мобильді интернет-трафик көлемі 12 миллион гигабайттан асты. Ал осындай АЕМ-де Tele2/Altel пайдаланушылары сөйлесулерінің жалпы ұзақтығы дәл сондай кезеңде 740 миллион минутты құрады.
Енді "250+" бағдарламасы бойынша Tele2/Altel желісіне қосылған бірнеше ауылға Digital Nomad жобасын құрушылар келеді. Қазір шоудың алғашқы шығарылымдарын дайындау үдерісі жүруде. Оның негізгі идеясы - қазіргі заманғы қазақтардың ата-бабаларының қазынасы ретіндегі елдің мәдени кодының маңызды құрамдас бөлігін іздеу. Олар халқымыздың тарихи мұрасында жасырынған. Жоба кейіпкерлері желінің заманауи пайдаланушысының көзімен тарихқа тереңдеп енуге уәде беруде. Көптеген ғұрыптардың немесе белгілі бір жер тарихының салттық мәнін ноутбуктың немесе смартфонның көмегімен танып білуге болады. Цифрлық көшпенділер киелі жерлерге барады, ұмыт қалған рәсімдерге қатысады, жыртқыш құстар мен керемет тазы иттерді пайдаланатын заманауи аңшыларды көрсетеді.
Сондай-ақ ғалымдармен, дәстүрді сақтаушылармен және бақсылармен кездесу жоспарлануда. Бүкіл жиналған және жақсылап берілген ақпарат көрерменге диваннан тұрмастан көптеген саяхаттар жасауға жәрдемдеседі. Сізді 250+ шалғай ауылдарының ғажайып ландшафттары, беймәлім сәулет ескерткіштері, ежелгі салт жоралары және қазақтың ұмыт қалған ұлттық тағамдары күтеді.
Өткен жылы талдаушылар Қазақстандағы мобильді интернетті тұтынудың бүкіл көлемінің 60 пайызын Tele2/Altel абоненттері генерациялайтынын есептеп шығарды. Сапалы контенттің құрылуын қолдай отырып, оператор қала мен ауылдың арасындағы цифрлық теңсіздікті жою арқылы шалғайдағы тұрғындарды интернет-қоғамдастыққа белсенді түрде тартуда.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
