ТҮРКІСТАН. ҚазАқпарат – Тәуелсіздік күні қарсаңында Түркістан облысының әкімі Өмірзақ Шөкеев мемлекеттік және қоғамдық қызметте сіңірген еңбегі мен елдің әлеуметтік-экономикалық және мәдени дамуына үлес қосып жүрген азаматтарға мемлекеттік марапатты салтанатты жағдайда табыс етті. «Тұғырлы бол, Тәуелсіздік» іс-шарасында кеудесіне орден-медаль тағылған жандардың арасында елімізге танымал тұлғалар мен қарапайым еңбек адамдары да бар, деп хабарлайды ҚазАқпарат тілшісі.