შესაძლოა თანამდებობა დატოვოს კანადის პრემიერ-მინისტრმა ჯასტინ ტრუდომ, რომელიც ლიბერალური პარტიის შიგნით მზარდ წინააღმდეგობას წააწყდა. ამის შესახებ კანადური მედია The Globe, Mail-ი და The Toronto Star-ი, და ასევე ამერიკული სააგენტო Reuters-ი, წყაროებზე დაყრდნობით, იუწყებიან.
პარტიაში მოელიან, რომ კანადელ ლიბერალთა ლიდერის თანამდებობიდან გადადგომის შესახებ გადაწყვეტილებას, ეროვნული კონგრესის წინაშე, ოთხშაბათს გააკეთებს. წყაროების ვარაუდით შესაბამის განცხადება უახლოეს 24 საათში შეიძლება გაკეთდეს.
თავად ტრუდოს საბოლოო გადაწყვეტილება ჯერ არ მიუღია, აღნიშნავს "როიტერი". ასევე გაურკვეველია, გადადგება თუ დარჩება იგი პრემიერ-მინისტრად, ლიბერალური პარტიის ახალი ლიდერის არჩევამდე.
ტრუდოს ოფისში გავრცელებულ ინფორმაციაზე კომენტარს არ აკეთებენ.
ჯასტინ ტრუდოს პოპულარობა ბოლო თვეების განმავლობაში შემცირდა, მისი მთავრობისთვის უნდობლობის გამოცხადების სერიით. მაგრამ მან პირობა დადო, რომ დარჩება ამ პოსტზე, რათა მომდევნო სარჩევნო ბრძოლაში წინ წაუძღვეს ლიბერალთა ბანაკს, მაგრამ შემდგომში კანადის პრემიერმინისტრი აშშ-ის არჩეულ პრეზიდენტ დონალდ ტრამპის შემდგომი ზეწოლის წინაშე აღმოჩნდა. ტრამპი კანადურ საქონელზე 25 პროცენტიანი გადასახადების დაწესებით იმუქრება.
ჯასტინ ტრუდო კანადის პრემიერმინისტრი 2015 წელს გახდა და ამ პოსტზე მესამე ვადით იმყოფება. ქვეყანაში მომდევნო საპარლამენტო არჩევნები ოქტომბრის ბოლოს გაიმართება.
