აზერბაიჯანის ხელისუფლებამ საემიგრაციო წესები გაამკაცრა რუსეთის მოქალაქეებისთვის და რუსეთში მუდმივად მცხოვრები, მოქალაქეობის არმქონე პირებისთვის. მათ ეზღუდებათ აზერბაიჯანში უვიზოდ ყოფნის მაქსიმალური ვადა - ახალი წესებით, ეს ვადა წელიწადში 90 დღით განისაზღვრა. მთავრობის გადაწყვეტილება 29 დეკემბერს გამოქვეყნდა.
ახალი წესები 2025 წლიდან ამოქმედდება. მანამდე აზერბაიჯანის საგარეო საქმეთა სამინისტრო აცხადებდა, რომ ბაქო სარკის პრინციპით მიიღებდა ზომებს, პასუხად უცხოელების რუსეთში უვიზოდ ყოფნის მოთხოვნების გამკაცრებისა, რის შემდეგაც ვადა ასევე 90 დღით განისაზღვრა.
ამჟამად რუსეთის მოქალაქეებს აზერბაიჯანში უვიზოდ ყოფნა შეუძლიათ ქვეყანაში შესვლიდან 90 დღის განმავლობაში. ეს შესაძლებელს ხდის დღეების "განულებას", საზღვრის გადალახვის და დაუყოვნებლივ უკან დაბრუნების გზით. იანვრიდან ეს მეთოდი აღარ იმუშავებს.
წესების გამკაცრება მოჰყვა 25 დეკემბერს აზერბაიჯანის ავიახაზების კუთვნილი თვითმფრინავის კატასტროფას. ხომალდი ასრულებდა მარშრუტს ბაქო-გროზნო, ბორტზე იმყოფებოდა 67 პირი, მათ შორის ეკიპაჟის ხუთი წევრი - დაღუპულია 38 ადამიანი. ვარაუდობენ, რომ თვითმფრინავი მოხვდა რუსეთის საჰაერო თავდაცვის სისტემის ცეცხლის ქვეშ, მაშინ, როცა უკრაინის დრონები ჩეჩნეთის ტერიტორიაზე ახორციელებდნენ იერიშს.
