უკრაინაში მებრძოლი რუსეთის ჯარების დაჯგუფება "სამხრეთის" ის მეთაური გენერალ-პოლკოვნიკი გენადი ანაშკინი თანამდებობიდან გადააყენეს. ამის შესახებ იტყობინება შაბათს არაერთი ცნობილი რუსული ტელეგრამის არხი და სააგენტო RBC, თავდაცვის სამინისტროს წყაროზე დაყრდნობით.
ამ წყაროს თანახმად, საუბარია "დაგეგმილ როტაციაზე", არ არსებობს პრეტენზიები ანაშკინის წინააღმდეგ, რომელიც არის "დამსახურებული, დიდი საბრძოლო გამოცდილების მქონე მეთაური."
მაგრამ ომის მომხრე ბლოგერმა იური პოდოლიაკამ, რომელიც ერთ-ერთმა პირველმა გამოაცხადა სარდლის გადადგომის შესახებ, დაწერა, რომ დაჯგუფება "სამხრეთის" მეთაური თანამდებობიდან გადააყენეს "რუსეთის ფედერაციის შეიარაღებული ძალების მეთაურობისა და ქვეყნის პოლიტიკური ხელმძღვანელობის სისტემატურად მოტყუებისთვის". მათ შორის სევერსკის მიმართულებით არარსებული გამარჯვებების თაობაზე მის ადრინდელ განცხადებებთან დაკავშირებით.
იქ, ფრონტის რიგი სხვა სექტორებისგან განსხვავებით, რუსეთის ჯარებს ბოლო თვეებში წინსვლა არ ჰქონიათ.
