დეპუტატი გუბაზ სანიკიძე „კავკასიის“ ეთერში აცხადებს, რომ პრეზიდენტ სალომე ზურაბიშვილის ხელშია გარკვეული ბერკეტები და მან დროულად უნდა მიიღოს სწორი გადაწყვეტილება.
“ეს ორი თვე სალომე ზურაბიშვილს ყველაზე მეტად ეხება იმიტომ, რომ მის ხელშია რაღაც-რაღაცები, მას შეუძლია გადაწყვიტოს, არ გადაწყვეტს და წავა პოლიტიკურ მოუსავლეთში. ზოგიერთი მედიის წარმომადგენელს ვატყობ, რომ ყოფენ სააკაშვილის და გვარამიას საქმეს. ძალიან ბევრი ჟურნალისტი კიდევ აზრზე არაა რა ხდება და დაანებონ ამ სისულელეს თავი. სააკაშვილის და გვარამიას თემა არის ერთი და იგივე. არასამთავრობოებმა და მედიის წარმომადგენლებმა დაანებონ ამას თავი. შენ ჩვენი მედროშე ხარ. ვთქვათ სალომემ შეიწყალა გვარამია და არ შეიწყალა სააკაშვილი – დავკმაყოფილდეთ ამით? დაგვანახოს ამ ქალმა რას აპირებს. ფიანდაზებს ვერ გავუგებ სალომე ზურაბიშვილს“, – აცხადებს სანიკიძე.
