საქართველოს სტატისტიკის ეროვნული სამსახური 2022 წლის გამყვანი ტურიზმის შესახებ მონაცემებს აქვეყნებს. ანგარიშის მიხედვით, საქართველოდან საზღვარგარეთ წასვლის მოტივაცია 41%-სთვის საყიდლები იყო. საქართველოს საზღვრებს გასულ წელს ყველაზე ხშირად თურქეთისა და რუსეთის მიმართულებით კვეთდნენ. ევროკავშირის წევრ ქვეყნებში იმოგზაურა ვიზიტორების ათმა პროცენტმა.
ტრადიციულად, მოგზაურთა შორის დომინანტურია 31-50 წლის ასაკობრივი ჯგუფი. ქალების მიერ განხორციელებული ვიზიტების რაოდენობა მთლიანი ვიზიტების 46.5 პროცენტს შეადგენდა.
2022 წელს საქართველოს ტერიტორიიდან სულ დაფიქსირდა საქართველოს რეზიდენტი მოგზაურების 2.2 მილიონი გასვლა საზღვარგარეთ, რაც 3.7-ჯერ მეტია წინა წლის ანალოგიურ მაჩვენებელზე.
2022 წელს განხორციელებული ვიზიტებისას გათეული ღამეების საშუალო რაოდენობამ 6.1 ღამე შეადგინა. განხორციელებული ვიზიტების 95.9 პროცენტი წარმოადგენდა განმეორებითი ხასიათის ვიზიტს.