„სტატეგია აღმაშენებლის“ ერთ-ერთი ლიდერის სერგო ჩიხლაძის განცხადებით, ხვალ ოპოზიციის გაერთიანებული შეხვედრა შედგება.
როგორც მან ჟურნალისტებთან აღნიშნა, შეხვედრაზე სამომავლო სტრატეგიაზე იმსჯელებენ, მათ შორის იმაზე, თუ როგორ შეიძლება გაგრძელდეს პოლიტიკური პროცესი, თუ ნიკა მელიას დააკავებენ.
„ხვალ გვექნება ოპოზიციური პარტიების ფართე შეხვედრა და გადაწყვეტილებებს და გეგმებს მოგახსენებთ, მაგრამ ნიკა მელიას დაკავება იქნება კიდევ ერთი ნაბიჯი გადადგმული ჩიხისკენ, მდგომარეობის ესკალაციისკენ და მოლაპარაკებების ჩაშლისკენ, რისკენაც „ქართული ოცნება“ მიზანმიმართულად მიდის“, – განაცხადა სერგო ჩიხლაძემ.
არსებული ინფორმაციით, შეხვედრა ხვალ 12:00 საათზე დაიწყება.
