ბანგლადეშში მეჩეთის მახლობლად გაზის მილის აფეთქებას 11 მლოცველი შეეწირა, განაცხადა შაბათს ბანგლადეშის ხელისუფლებამ.
აფეთქება პარასკევს ღამით მოხდა, როცა მლოცველები ასრულებდნენ ლოცვას ქალაქ ნარაიანგანჯის ერთ-ერთ მეჩეთში.
შაბათს დილით პატარა ბიჭი და 10 დანარჩენი ადამიანი ემსხვერპლა აფეთქების შედეგად მიღებულ ჭრილობებს. ადგილობრივ კლინიკაში მიიყვანეს მინიმუმ 37 ადამიანი, რომელთაც სხეულის ზედაპირის 90%-ზე მეტის დამწვრობა აქვთ. მათი უმრავლესობა კრიტიკულ მდგომარეობაშია, განაცხადა საავადმყოფოს წარმომადგენელმა.
ბანგლადეშის ტელევიზიის ცნობით, გაზის მილის აფეთქების სიმძლავრის გამო მინიმუმ ექვსი კონდიციონერი აფეთქდა მეჩეთის შიგნით. მიმდინარეობს გამოძიება ინციდენტის მიზეზების გამოსავლენად.
