აშშ-ის ეროვნულმა დაზვერვამ უარი თქვა კონგრესისთვის საპრეზიდენტო არჩევნების შესახებ ბრიფინგების გამართვაზე, რადგან ადრინდელი შეხვედრებიდან მედიაში ინფორმაციამ გაჟონა. ამის შესახებ იტყობინება აშშ-ის მედია.
დაზვერვა კონგრესს ინფორმაციას წერილობითი ფორმით გაუგზავნის. იუსტიციის სამინისტრო, პენტაგონი და შინაგანი უსაფრთხოების სამინისტრო გააგრძელებენ ბრიფინგების გამართვას.
წარმომადგენელმა პალატის თავმჯდომარემ, ნენსი პელოსიმ და პალატის დაზვერვის საგანგებო კომიტეტის ხელმძღვანელმა, ადამ შიფმა ერთობლივ განცხადებაში დაზვერვის ქცევას უწოდეს „კონგრესის ინფორმირების კანონით გათვალისწინებულ ვალდებულებაზე უარის თქმა“.
პელოსი და შიფი აღნიშნავენ, რომ თეთრი სახლი საპრეზიდენტო არჩევნებში სამი ქვეყნის, რუსეთის, ჩინეთისა და ირანის ინტერესებზე ლაპარაკობს. მაგრამ მხოლოდ კრემლი მიმართავს აქტიურ ქმედებებს თავისთვის საუკეთესო შედეგების მისაღწევად აშშ-ის საპრეზიდენტო არჩევნებში.
საპრეზიდენტო არჩევნებში დემოკრატიული პარტიის კანდიდატმა, ჯო ბაიდენმა, თავის მხრივ, განაცხადა, რომ დაზვერვამ კონგრესისთვის ბრიფინგების გამართვა გააუქმა, რათა დამალოს აშშ-ის პრეზიდენტის, დონალდ ტრამპისთვის რუსეთის პრეზიდენტის, ვლადიმირ პუტინის მხრიდან დახმარება.
აგვისტოს დასაწყისში აშშ-ის კონტრდაზვერვის ეროვნული ცენტრის ხელმძღვანელმა, უილიამ ევანინმა განაცხადა, რომ რუსეთი ესწრაფვის უარყოფითად წარმოაჩინოს ჯო ბაიდენი, ტრამპის მეტოქე არჩევნებში, და მოქმედი პრეზიდენტის კანდიდატურა წინ წამოსწიოს სოციალურ ქსელებსა და რუსეთის ტელევიზიაში.
