თბილისის ინფექციური პათოლოგიისა და შიდსის ცენტრს უფლება მიეცა, საკუთარი დივიდენდებიდან 300 000 ლარი გამოიყენოს, გადაუდებელი სამუშაოებისთვის. ინფორმაცია რადიო თავისუფლებას ეკონომიკის სამინისტროში დაუდასტურეს.
სასიცოცხლოდ მნიშვნელოვანი სამუშაოებისთვის დაახლოებით 300 000 ლარის საჭიროებაზე ცენტრის ხელმძღვანელმა, თენგიზ ცერცვაძემ საზოგადოებრივ მაუწყებელთან ისაუბრა 20 აგვისტოს.
სამინისტროს გადაწყვეტილება მოჰყვა სწორედ ცერცვაძის პროტესტსა და გადაწყვეტილებას, რომლის თანახმად, საავადმყოფო 20 აგვისტოდან, აღარ იღებს კოვიდ და აივ პაციენტებს სტაციონარში.
თბილისის ინფექციური საავადმყოფო საქართველოში კოვიდინფექციასთან ბრძოლაში ჩართული ერთ-ერთი მთავარი კლინიკაა. დაწესებულება წლებია, პაციენტებს იღებს იჯარით აღებულ და მოუწესრიგებელ შენობაში, რომელშიც ძლიერი წვიმის დროს წყალი ჩადის.
2020 წლის ივლისში, მთავრობამ განაცხადა, რომ ინფექციური საავადმყოფოს ახალ, ₾40-მილიონიან შენობას აუშენებს. თუმცა მანამდე, ცენტრის ხელმძღვანელის მტკიცებით, არსებულ შენობაში მუშაობა შეუძლებელია.
წაიკითხეთ მეტი:
„ინფექციურმა“ შეწყვიტა კოვიდ/აივ პაციენტების სტაციონარში მიღება, „ელემენტარული პირობების არქონის გამო“
სიცრუე თუ გაუგებრობა?
