რუსეთის პრეზიდენტმა, ვლადიმირ პუტინმა გენერალური პროკურორის უწყებას დაავალა გადასინჯოს კანონიერი საფუძველი განაჩენისა, რომელიც ოპოზიციის აქტივისტს გამოუტანეს არასანქცირებულ აქციებში რამდენჯერმე მონაწილეობის გამო - აცხადებს კრემლი.
აქტივისტს, კონსტანტინ კოტოვს 2019 წლის სექტემბერში ოთხი წლით მიესაჯა პატიმრობა, კამათის საგნად ქცეული კანონით, რომელიც დანაშაულად აცხადებს ერთზე მეტ არასანქცირებულ აქციაში მონაწილეობას 180-დღიან პერიოდში.
პუტინმა კოტოვის განაჩენის გადასინჯვის ბრძანება გასცა საიმისოდ, რომ მისი კანონიერება და სისწორე დადგინდესო, ამბობს კრემლი თავის ვებსაიტზე.
კოტოვი, 34 წლის კომპიუტერული პროგრამების სპეციალისტი, 10 აგვისტოს დააკავეს მონაწილეობისთვის აქციაში, რომელზეც ითხოვდნენ ოპოზიციონერი და დამოუკიდებელი კანდიდატების შეყვანას 8 სექტემბერს ჩატარებულ მოსკოვის სათათბიროს არჩევნების კანდიდატთა სიაში.
