აშშ-ის თავდაცვის უწყების წარმომადგენელმა განაცხადა, რომ საუდის არაბეთში აგზავნიან დამატებით ჯარს და სამხედრო აღჭურვილობას გასულ თვეში სამეფოს სანავთობო ობიექტებზე თავდასხმის გამო, რაშიც რიადიც და აშშ-იც ირანს ადანაშაულებენ.
ცნობით, რომელიც პენტაგონს წარმომადგენლის ნათქვამს ეყრდნობა, აშშ-ის საუდის არაბეთში მიავლენს დამატებით სამი ათას სამხედროს. იგზანება ასევე საჰაერო თავდაცვის „პეტრიოტის“ ტიპის ორი ბატარეა და ზეატმოსფერული გადამტაცი რაკეტების საჰაერო თავდაცვის სისტემა.
ამის თაობაზე ცნობა გაავრცელა პენტაგონის წარმომადგენელმა ჯონათან ჰოფმანმა. მას აქციის ვადები არ დაუზუსტებია. აშშ-ის ოფიციალურმა პირებმა ჯარების გაზრდის შესახებ საუდის არაბეთში, მსოფლიოში ნავთობის წამყვან მწარმოებელ და აშშ-ის ხანგძლივ მოკავშირე ქვეყანაში, ადრე განაცხადეს, მაგრამ 14 სექტემბერს საუდის არაბეთის სანავთობო ობიექტებზე დრონებით და ჭურვებით თავდასხმის შემდეგ აშკარა გახდა, რომ სუსტადაა დაცული სანავთობო ინფრასტრუქტურა. მაშინ საუდის არაბეთის ოფიციალურმა პირებმა განაცხადეს, რომ ეს შეიძლება შეფასდეს, როგორც "საომარი მოქმედება" მათ წინააღმდეგ, თუ დამტკიცდა, რომ დრონების და ჭურვების დაშენა მოხდა ირანის ტერიტორიიდან, რაც არ დადასტურებულა. ირანის მხარდაჭერით მოქმედმა, იემენის ჰუტის მიმდევარმა ძალებმა განაცხადეს, რომ მათ მოაწყვეს თავდასხმა საუდის არაბეთის სანავთობო ობიექტებზე.
