რუსთავში ტერიტორიული მთლიანობისთვის ბრძოლებსა და საერთაშორისო მისიებში დაღუპული ქართველი სამხედროების ხსოვნის პატივსაცემად, მარათონი გაიმართა. გარბენში მონაწილეობა 41-ე ბატალიონის, სპეციალური ოპერაციების ძალების, V საარტილერიო ბრიგადის, საბრძოლო საინჟინრო ბატალიონის და სერჟანტთა მომზადების აკადემიის სამხედრო მოსამსახურეებმა მიიღეს.
ექვსკილომეტრიან გარბენში 200-ზე მეტი სამხედრო იყო ჩართული.
დაღუპული გმირების ხსოვნის პატივსაცემად მარათონი მესამედ გაიმართა.