აშშ-ის პრეზიდენტმა დონალდ ტრამპმა ეროვნული უსაფრთხოების საკითხებში მრჩევლის თანამდებობაზე რობერტ ო'ბრაიენის კანდიდატურა წამოაყენა.
ამჟამად ო'ბრაიენი სახელმწიფო დეპარტამენტში მუშაობს. ის არის მძევლების საკითხში პრეზიდენტის საგანგებო წარმომადგენელი.
ო'ბრაიენის წინამორბედი ჯონ ბოლტონი სექტემბრის დამდეგს გაუშვეს თანამდებობიდან. მაშინ აშშ-ის პრეზიდენტმა განაცხადა, რომ ბოლტონს მრავალ საკითხში არ ეთანხმებოდა. კერძოდ, ტრამპმა გააკრიტიკა ბოლტონის წინადადებები ჩრდილოეთ კორეასა და ვენესუელასთან დაკავშირებით.
ბოლტონი გასული წლის მარტიდან მუშაობდა უსაფრთხოების საკითხებში პრეზიდენტის მრჩევლის თანამდებობაზე.