საქართველოს პრეზიდენტის ადმინისტრაციაში დაადასტურეს, რომ სალომე ზურაბიშვილის მრჩევლად დიმიტრი ლეჟავა დაინიშნა. ოფიციალური ინფორმაციით, ეს საკადრო გადაწყვეტილება თვეზე მეტი ხნის წინაა მიღებული.
პრეზიდენტის ადმინისტრაციის ცნობით, „დიმიტრი ლეჟავა არის საქართველოს პრეზიდენტის მრჩეველი თავდაცვისა და უსაფრთხოების საკითხებში. საქართველოს პრეზიდენტის ადმინისტრაციაში დიმიტრი ლეჟავა 2019 წლის 8 ივლისიდან ასრულებს დაკისრებულ მოვალეობას. მისი დანიშვნისას პრეზიდენტის ადმინისტრაციამ იხელმძღვანელა მისი პროფესიული გამოცდილებიდან გამომდინარე.”
20 აგვისტოს მედიასაშუალებებით გავრცელდა ინფორმაცია, რომ პრეზიდენტის მრჩევლად საბჭოთა უშიშროების კომიტეტის ყოფილი ოფიცერი დიმიტრი ლეჟავა დაინიშნა.
