საქართველოს საგარეო საქმეთა მინისტრი დავით ზალკალიანი ტელეფონით ესაუბრა ეუთოს თავმჯდომარეს, მიროსლავ ლაიჩაკს. სამინისტროს ცნობით, ზალკალიანმა ლაიჩაკს მიაწოდა დეტალური ინფორმაცია რუსეთის საოკუპაციო ძალების მიერ სოფელ გუგუტიანთკართან ე.წ. საზღვრის გავლების და საქართველოს 8 მშვიდობიანი მოქალაქის დაკავების შესახებ.
საქართველოს საგარეო საქმეთა მინისტრმა ეუთოს თავმჯდომარეს თხოვა, რუსეთის საოკუპაციო ძალების უკანონო ქმედებების შესაჩერებლად საერთაშორისო თანამეგობრობის ძალისხმევის კიდევ უფრო გააქტიურება. მიროსლავ ლაიჩაკი დავით ზალკალიანს დაპირდა, რომ ყველაფერ გააკეთებს ამ ძალისხმევის კონსლიდაციისთვის.